"Neftçi”nin hücumçusu Mirabdulla Abbasov klubun rəsmi saytına açıqlama verib. 

Sportfm.az xəbər verir ki, Azərbaycan Premyer Liqasının 8-ci turunda “Zirə”nin qapısından qələbə (2:1) topunu keçirməklə bu mövsüm ilk qolunu vuran futbolçu sevincini gizlətməyib:

“Qol vurub, komandamızın qələbəsində pay sahibi olduğum üçün çox şadam. Çox ağır oyun alındı. Həm bizim, həm də rəqibin qol epizodları oldu. Sevinirəm ki, sonda vacib 3 xalı “Neftçi” qazandı”.

“Necə düşünürsən, bu qoldan sonra start heyətində tez-tez yer ala biləcəksənmi?” sualına Abbasovun cavabı belə olub: “Ümid edirəm ki, daha çox oynamaq şansı qazanacağam. Bunun üçün özümü yaxşı tərəfdən göstərməyə çalışacağam. Amma bu, məşqçinin qərarıdır və mən onun seçiminə hörmətlə yanaşıram”.

Oxşar xəbərlər

""Sabahdan qorxmuruq" - Mirabdulla Abbasov

"Yaxın zamanlarda çətin günlər geridə qalacaq" - Tiaqo Bazerra

"Bu hisslərin sözlə ifadəsi yoxdur" - “Neftçi”nin gənc futbolçusu

"Neftçi"nin 22-ci bombardiri - Azərbaycan Premyer Liqası

Mirabdulla Abbasov: "Şadam ki..."