Sentyabrın 16-da Bakının Yasamal rayonunda Milli Məclisin deputatı Elnur Allahverdiyevin təşəbbüsü ilə inşa olunmuş daha bir futbol meydançasının açılışı olub.
Sportfm.az xəbər verir ki, Nərimanov prospekti 54/27 ünvanında tikilən süni ot örtüklü stadionun uzunluğu 24, eni 12 metrdir. Stadion 5 metrlik hasarla əhatələnib.
Meydança Yasamal Rayon İcra Hakimiyyətinin dəstəyi ilə ərsəyə gəlib. Ətrafdakı abadlıq işlərini Yasamal Bələdiyyəsi görüb. Süni ot örtüyünü AFFA təqdim edib.
Açılış mərasimində Yasamal RİH-nin başçısı Elşad Həsənov, AFFA-nın icraçı vitse-prezidenti Elxan Məmmədov, MM-in deputatı E.Allahverdiyev və rayon ictimaiyyətinin nümayəndələri iştirak ediblər.
Xatırladaq ki, bundan əvvəl daha bir belə meydança Bakının məşhur 5 mərtəbəsinin həyətində inşa olunmuşdu. 17 saylı Yasamal üçüncü seçki dairəsinin deputatı E.Allahverdiyevin sözlərinə görə, hər iki meydançanın inşası seçicilərin istəyi ilə ərsəyə gəlib: “Ümid edirəm ki, bu meydançalar futbola marağın artması, gələcək futbolçuların yetişməsi istiqamətində bir stimul olacaq”.

Oxşar xəbərlər

Gəncədə daha bir süni örtüklü meydança təmir olundu - FOTO

İsmayıllıda futbol komandası yaradılacaq - Region Liqası

“Kəpəz”in meydançası hazırdır - FOTO

"Açıq Əyləncəli Futbol Məktəbi” layihəsi baş tutdu - FOTO

Daha bir süni örtüklü meydança istifadəyə verildi - FOTO