İspaniya La Liqasının 4-cü turunun iki oyunu bu həftə baş tutmayacaq. 

Sportfm.az xəbər verir ki, 11 sentyabr tarixində keçirilməsi nəzərdə tutulan "Sevilya" - "Barselona" və "Vilyarreal" - "Alaves" qarşılaşmaları təxirə salınıb. 

Oyunların təxirə salınmasının səbəbi DÇ-2022-nin seçmə mərhələsinin Cənubi Amerika zonasında keçirilən matçların gec olması ilə bağlıdı. Belə ki, "Sevilya" və "Vilyarreal"ın futbolçularının şərəfini qoruduğu Argentina millisi 10 sentyabr tarixində Boliviya ilə qarşılaşacaq. Klubların müraciətini qəbul edən La Liqa rəhbərliyi görüşlərin vaxtını dəyişib.

Matçların nə vaxt keçiriləcəyi barədə məlumat verilməyib.

Qeyd edək ki, DÇ-2022-nin seçmə mərhələsi çərçivəsində baş tutan Braziliya - Argentina qarşılaşması qonaqların 4 futbolçusunun (Emiliano Martines, Emiliano Buendiya, Covani Lo Çelso və Serxio Romero) karantin qaydalarına riayət etməməsinə görə yaranan qalmaqaldan sonra yarımçıq dayandırılıb.

Oxşar xəbərlər

Braziliya - Argentina oyunu ilə bağlı qərar ləğv edildi

Millinin 4 futbolçusu diskvalifikasiya edildi - Koronavirus qaydalarını pozdular

FIFA-dan açıqlama - Braziliya - Argentina matçı ilə bağlı

Braziliya – Argentina oyunu yarımçıq dayandırıldı - Qalmaqal

FİFA DÇ-2022-nin seçmə mərhələsini təxirə saldı