2012-ci il London Olimpiadasının qalibi, rusiyalı Sergey Tetyuxin uşaqlıq illəri haqqında danışıb. 

Sportfm.az Rusiya mətbuatına istinadən xəbər verir ki, "Beloqorye” komandasının voleybolçusu atasının onun üçün etalon olduğunu deyib:

"Hər zaman atam kimi olmaq istəmişəm. Hazırda onun 70-dən çox yaşı var, ancaq yenədə yeniyətmələrlə işləməyə üstünlük verir. Atam mənim üçün müqəddəs bir varlıqdır. Uşaqlıq illərim Orta Asiyada keçib, mən orada belə görmüşəm. Yaşlılara hörmət etmək, qadınlara yer vermək,  hər kəsin borcudur. Uşaqlıqdan hər kəs belə görür və tərbiyə olunur. Mən orada olduğum müddətdə küçədə sərxoş adam görmədim”- deyə, idmançı bildirib. 

Qeyd edək ki, olimpiya çempionu Özbəkistan Respublikasının Margilan şəhərində dünyaya göz açıb.