Sportfm.az xəbər veri ki, "Kəpəz"in portuqaliyalı futbolçusu Serjinyo klubun rəsmi saytına müsahibə verib.

 

- Mövsümün ilk iki dövrəsi bizim üçün heç də pis keçmədi, amma düşünürəm ki, daha yaxşı çıxış edə bilərdik. Heç-heçə başa çatan 2-3 matçda qələbə qazansaydıq, daha çox xal toplaya bilərdik. Bunun da sayəsində turnir cədvəlində üst pillələrdə olacaqdıq.

- Sadəcə, bəzi oyunlarda məşqçinin tələblərini düzgün yerinə yetirə bilmədik və yaxşı oynamadıq. Həmçinin, buraxılan bir neçə qolda yaraşmayan səhvə yol verdik. İndiki halda bu səhvlərdən nəticə çıxarıb, növbəti matçlarda daha yaxşı oynamaq lazımdır.

- Harada oynamağım önəmli deyil və bunu problem hesab etmirəm. Odur ki, heç bu haqda da düşünmürəm. Digər klublarda da siz dediyiniz mövqelərdə çıxış etmişəm. Mənim üçün əsas olan daim oynamaq və komandaya kömək etməkdir. Bunun üçün meydanda çalışıram.

- Bəli, bu günə kimi oynadığımdan daha yaxşı çıxış etməyə çalışacağam. İstəyirəm ki, daha çox inkişaf edim və komandaya xeyrim dəysin. Çox sakitəm, gördüyüm işdən də məmnunam. Zamanla ən yaxşısını edə bilərəm. Ancaq istənilən halda məncə, bu günə kimi heç də pis təsir bağışlamadım və demək olar ki, hər matçda komandaya kömək edə bildim. Ola bilər azarkeşlər mənim önə qaçıb qol vurmağımı arzulayırlar. Düzdür, çıxış etdiyim mövqe rəqib qapısına yaxındır, amma bu, o qədər də asan məsələ deyil. Mənim oyun üslubum əsasən təhlükəli epizodlar yaratmaq, hücumçulara qol ötürməsi verməkdir. Bütün matçlarda bunu etməyə çalışıram. 

- Düşünürəm ki, legionerlər və yerli oyunçular arasında böyük fərq yoxdur. Əcnəbilər taktiki cəhətdən və oyun təfəkküründə bir qədər fərqli oynaya bilər. Amma hamımız bir komandanın parçasıyıq və bizə verilən tapşırığa uyğun çıxış edirik. Azarkeşlər tək biz legionerlərdən yox, yerli futbolçulardan da çox şey gözləyirlər.

- Bəli, məncə, bu məqsədə çata bilərik. Çempionatın ikinci yarısı hələ qarşıdadır. Yerimizdən asılı olmayarq bizim də şansımız itirilməyib. Bunun üçün hər oyunda sona qədər döyüşəcəyik. Biz yenidən Avropa Liqasına getmək istəyirik.

- Hazırda bunun haqqında çox düşünürəm, əlbəttə ki, əgər "Kəpəz” mənə yeni müqavilə təklif etsə, razılaşmaq olar. Dəvət olarsa, komandada qalmaq istəyərəm. "Kəpəz”i çox sevirəm.