Azərbaycan Premyer Liqasının 2-ci turunda "Zirə"ylə oyundan sonra (0:1) "Neftçi"nin kapitanı Araz Abdullayev jurnalistlərə müsahibə verib. Komanda.az həmin müsahibəni təqdim edir:

- İlk dəqiqələrdən hücumçu kimi çıxış etməyim taktiki gediş idi. Baş məşqçi mənə ön xətdə yer verdi. Fasilədən sonra Katalin Tira meydana daxil oldu, mən də avtomatik çəkildim öz mövqeyimə. Açığı, mənim üçün elə bir fərqi yoxdu. İstər hücumda, istərsə də yarımmüdafiədə yer alanda qol vurmağa çalışıram.

- Mənim üçün əsas odu ki, qol vurum, komandama kömək edim. Qol vəziyyətlərimiz də oldu, təəssüf ki, top qapıdan keçmədi. Düşünürəm ki, əksər komponentlərdə rəqibdən güclü idik.

- Xeyr. Bu, baş məşqçinin qərarıdı. Məşqçi məni əvəzləyirsə, deməli, bildiyi nəsə var. Burda heç bir problem yoxdu. Mən meydanda olduğum müddətdə yalnız öz oyunumu göstərib, komandama xeyir vermək barədə düşünürəm.

- Heç nə baş vermir. Futbolda hər şey olur. Biz hər görüşdə uğurlu nəticə qazanmağa çalışırıq. Sadəcə, məğlub olanda bunu nə iləsə bağlamaq düzgün deyil.

- Bəli, hələ tam uyğunlaşmayıblar. Xüsusən də, Denilson kollektivə yenicə qoşulub, komanda ilə cəmi 2-3 məşq edib. İnanıram ki, o, komandaya tezliklə uyğunlaşacaq. O ki qaldı Tiraya, gənc oyunçudu, uyğunlaşmaq üçün zamana ehtiyacı var.

- Qısa müddətdə öz oyunumuzu tapmaq üçün əlimizdən gələni edirik. Məşqlərdə də çalışırıq ki, yeni transferlər kollektivə daha tez uyğunlaşsınlar.

- Həqiqətən də, bu, çox üzücüdü. Bir kapitan kimi, mən də istəyirəm ki, oyunlarımıza çox azarkeş gəlsin, bizi dəstəkləsin, yalnız qoymasın. Biz əlimizdən gələni etməyə çalışırıq. "Zirə"ylə görüşü də pis keçirmədik. Qapımıza vurulan qolu da gördünüz.

- Düşünürəm ki, taktika üzərində bir az da işləsək, daha yaxşı olar. Bu da məşqçilərin işidi.

- Nə qədər xal ala biləcəyimiz komanda varsa, hamısına qalib gəlməyə çalışırıq. Bu günkü məğlubiyyət məni çox məyus etdi. Uduzulası oyun deyildi.

- Hansısa klub maraqlanırsa, təklif göndərməlidi. Yalandan heç nə demək istəmirəm.

- Bunu çox adam mənə deyir. Amma komanda çətin durumda olanda atıb getmək istəmirəm. Çalışıram klubumun bu vəziyyətdən çıxmasına kömək edim.

- Xeyr, bu o demək deyil. Sadəcə, hazırda klubumla müqaviləm var və komandamın uğuru üçün çalışıram.