Futbol üzrə Avropa çempionatının F qrupunda mübarizəyə start verilib.

Sportfm.az xəbər verir ki, qrupun ilk matçında turnirin ev sahiblərindən Macarıstan millisi son çempion Portuqaliyaya məğlub olub - 3:0. 

Matçda hər üç qol 2-ci hissədə vurulub. 84-cü dəqiqədə Rafael Gerreyro, 3 dəqiqə sonra Kriştianu Ronaldo rəqib qapısına yol tapıb. Qarşılaşmada son nöqtəni də Ronaldo qoyub. O, əsas vaxta əlavə olunmuş 2-ci dəqiqədə komandasının üstünlüyünü 3 topa çatdırıb. Beləliklə, bu görüşdə dubl edən hücumçu 11 qolla turnirin tarixində ən sərrast oyunçu ünvanını ələ keçirib. O, 9 qolu olan Fransa millisinin sabiq forvardı Mişel Platinini geridə qoyub. 

Bundan başqa, start heyətində meydana çıxan 36 yaşlı forvard 5 Avropa çempionatında forma geyinən futbolçu kimi tairxə düşüb.

Oxşar xəbərlər

Ronaldo “Ginnesin rekordlar kitabı”na düşdü - Azərbaycanlı oyunçunu keçdi

Avropa çempionatının bombardiri - Kriştianu Ronaldo

Kristiano Ronaldodan yeni rekord - Ən çox qol vuran futbolçu

Yığmamız seçmə mərhələyə qələbə ilə yekun vurdu - Avropa çempionatı

EURO 2016: Ronaldo rekorda şərik oldu