Bu gün Bolqarıstanın paytaxtı Sofiyada güləş üzrə Dünya Olimpiya Təsnifat Turnirinə start verilib.

Sportfm.az xəbər verir ki, ilk yarış günündə sərbəst güləşçilər mübarizəyə qoşulub.

Azərbaycanın 3 təmsilçisi güləşin bu növündə qüvvəsini sınayır. 57 kq çəki dərəcəsində Georgi Edişeraşvili təsnifatda Otari Qoqavanı (Gürcüstan), ardınca isə Məhəmməd Bilalı (Pakistan) məğlub edib. O, 1/4 finalda Məhəmməd İkromova (Tacikistan) qalib gələrək yarımfinala yüksəlib.

86 kq-da yarışan Abubakr Abakarov Uri Kalaşnikov (İsrail) və Sandro Aminaşvilidən (Gürcüstan) güclü olub. Güləşçi 1/4 finalda Azamat Dauletbekov (Qazaxıstan) üzərində əzmkar qələbə qazanaraq, yarımfinala adlayıb.

Nəhayət, 120 kq-dakı Vahid Qalayev Xose Kuba Vaskesə (İspaniya) tam üstünlüklə qalib gəlsə də, 1/4 final mərhələsində Xose Daniel Robertti (Venesuela) ilə bacarmayıb və lisenziya şansını itirib.

Qeyd edək ki, lisenziya sahiblərini müəyyənləşdirən yarımfinal qarşılaşmaları saat 20:00-da start götürəcək. Sərbəst güləşdə 65, 74 və 97 kq-da olimpiadaya vəsiqə təmin edilib. Şərif Şərifov (97 kq) sonuncu dünya çempionatında, Hacı Əliyev (65 kq) və Hacımurad Hacıyev (74 kq) isə Avropa Olimpiya Təsnifat turnirində bu vəzifənin öhdəsindən gəlib.

Oxşar xəbərlər

Sərbəst güləşçilərimiz lisenziyasız qaldı - Tokio-2020

Sərbəst güləşçilərimiz lisenziya üçün mübarizə aparacaq - Tokio-2020

Güləşçilərimizin ilk rəqibləri bilindi - Təsnifat Turniri

Millimizin heyəti açıqlandı - Olimpiya Təsnifat turniri

4 güləşçimiz yarımfinalda - Təsnifat turniri