1/4 finalın son 3 iştirakçısı bəlli olacaq -

Yazar Muxbir 25 yanvar 2021 08:46 462 nəfər baxıb

1/4 finalın son 3 iştirakçısı bəlli olacaq -Azərbaycan Kuboku

Bu gün futbol üzrə Azərbaycan Kubokunda 1/8 final mərhələsinin son 3 görüşü keçiriləcək.

Sportfm.az xəbər verir ki, günün ilk matçı Tovuzda yerli komanda ilə "Qəbələ" arasında gerçəkləşəcək. I Dİvizion və Premyer Liqa təmsilçiləri indiyədək kubokda üz-üzə gəlməyiblər. Cütün qalibi 1/4 finalda "Qarabağ"ın rəqibi olacaq.

Saat 16:00-da start götürəcək görüşdə "Qaradağ Lökbatan"la "Zirə" komandaları münasibətlərinə aydınlıq gətirəcəklər.

1/8 final mərhələsinin son oyunu Masazırda olacaq. "Sabah" I Divizon təmsilçisi "Kəpəz"i qəbul edəcək. Komandalar indiyədək kubok matçında qarşılaşmayıblar. Bu görüşün qalibi 1/4 finalda "Keşlə" ilə oynayacaq.

Azərbaycan Kuboku, 1/8 final

25 yanvar (bazar ertəsi)

14:00. “Turan Tovuz” – “Qəbələ”
Hakimlər: Rauf Allahverdiyev, Pərvin Talıbov, Cəmil Quliyev, Kamranbəy Rəhimov
Hakim-inspektor: Asim Xudiyev
AFFA nümayəndəsi: Bəhram Qurbanov
Tovuz şəhər stadionu

16:00. “Qaradağ Lökbatan” – “Zirə”
Hakimlər: Nicat İsmayıllı, Elşad Abdullayev, Müslüm Əliyev, Kamal Umudlu
Hakim-inspektor: İmanxan Sultani
AFFA nümayəndəsi: İlham Əliyev
“Dalğa Arena”.

17:00. “Sabah” – “Kəpəz”
Hakimlər: Fərid Hacıyev, Akif Əmirəli, Rahil Ramazanov, Tural Qurbanov
Hakim-inspektor: Ceyhun Haşımov
AFFA nümayəndəsi: Asif Əliyev
“Bank Respublika Arena”

Qeyd edək ki, 1/8 finalın ilk oyununda "Səbail" I Divizion təmsilçisi "Zaqatala"nı 3:2 hesabı ilə məğlub edərək, növbəti raundda "Sumqayıt"a rəqib olub. 1/4 finalın ilk matçları 1-2 fevralda, cavab görüşləri iə 6-7 fevralda keçiriləcək.