Voleybol üzrə Avropa Liqasının 2021-ci il mövsümünün püşkü atılıb.

Sportfm.az xəbər verir ki, Azərbaycan bu dəfə yalnız qadınların turnirində təmsil olunacaq.

Millimiz Qızıl Avropa Liqasında gücünü sınayacaq. Komandamız "A" qrupunda yer alıb. Yığmamız İspaniya, Fransa və Rumıniya ilə mübarizə aparacaq. Qrup oyunlarının birinci dövrəsinə gələn il mayın 28-30-da Rumıniya, ikinci dövrəsinə iyunun 4-6-da Fransa ev sahibliyi edəcək.

Reqlamentə əsasən, qrup qalibləri “Dördlər finalı”na yüksələcək. Onlara həlledici mərhələdə ev sahibi Bolqarıstan da rəqib olacaq. Yarımfinal və final matçları iyunun 18-20-nə təsadüf edəcək. Əgər bolqarlar birinci yerin sahibi kimi mərhələ adlayarsa, ən yaxşı ikinci pillənin sahibi onlara qoşulacaq. Qızıl Avropa Liqasının finalçıları isə gələn il keçiriləcək FIVB Çelenc Kubokundan iştirak hüququna yiyələnəcək.

Oxşar xəbərlər

Azərbaycan milliləri Qızıl Avropa Liqasında iştirak edəcək

Yığmamız mübarizəyə əsas mərhələdən başlayacaq - Avropa çempionatı

Yığmamız qrup sonuncusu oldu - Qızıl Avropa Liqası

Azərbaycan millisi Rumıniyaya yola düşdü - Qızıl Avropa Liqası

Püşk atıldı: Azərbaycan Portuqaliya və Ukrayna ilə eyni qrupda