"Çox yaxşı oynadıq. "Vilyarreal"ın keyfiyyətini digər komandalarla müqayisə etmək mümkün deyil. Yalnız özümüzü və qarşıdakı matçları düşünməliyik".

Sportfm.az xəbər verir ki, bu fikirləri İsrailin "Makkabi" (Təl-Əviv) komandasının baş məşqçisi Yorqos Donis Avropa Liqasının qrup mərhələsinin IV turunda evdə İspaniya "Vilyarreal"ı ilə 1:1 hesablı heç-heçə etdikləri matçdan sonra mətbuat konfransında deyib.

51 yaşlı mütəxəssis V turda səfərdə "Qarabağ"a qarşı keçirəcəkləri oyundan da danışıb: "Hər şey özümüzdən asılıdır. Gələn həftə "Qarabağ"ı məğlub etməyə çalışacağıq. "Vilyarreal"ın isə "Sivasspor"a məğlub olmaması bizə yetərlidir. Növbəti mərhələyə vəsiqə qazanmaq üçün hər şeyi edəcəyik".

Qeyd edək ki, dekabrın 3-də Türkiyənin İstanbul şəhərindəki "Başakşehir Fatih Terim" stadionunda keçiriləcək “Qarabağ” – “Makkabi” martçı Bakı vaxtı ilə saat 21:55-də başlayacaq. Azərbaycan təmsilçisi ölkədəki hərbi vəziyyətlə əlaqədar ev oyunlarını neytral meydanda keçirir.

Oxşar xəbərlər

"Növbəti mərhələ üçün mübarizə aparacağıq" - Yorqos Donis

"13-14 futbolçumuz var" - Elçin Rəhmanov

"Qarabağ" - "Makkabi" matçının hakimləri bilindi

"Qarabağ" yenə Türkiyədə oynayacaq - Avropa Liqası

"İstədiyimiz nəticəni qazanacağımıza inanıram" - Maksim Medvedev