"Hər kəsi salamlayıram. Türkiyədə vacib matça çıxacağıq. "Vilyarreal" böyük komandadır və baxımlı oyun sərgiləyirlər".

Sportfm.az xəbər verir ki, bu fikirləri "Qarabağ"ın kapitanı Maksim Medvedev UEFA Avropa Liqasının I qrupunun II turunda İspaniya "Vilyarreal"ına qarşı keçirəcəkləri oyundan əvvəl mətbuat konfransında deyib.

31 yaşlı futbolçu bildirib ki, hazırda ölkədə və "Qarabağ" klubunda vəziyyət elə də yaxşı deyil: "Çalışacağıq ki, Azərbaycanı yaxşı təmsil edək. Baş məşqçi ilə birlikdə rəqibin oyununu analiz etmişik. İnanıram ki, sabah yaxşı oyun olacaq və istədiyimiz nəticəni qazana biləcəyik".

Qeyd edək ki, "Qarabağ" - "Vilyarreal" matçı oktyabrın 29-da Türkiyənin İstanbul şəhərindəki "Başakşehir Fatih Terim" stadionunda baş tutacaq. UEFA-nın qərarına əsasən, Ağdam təmsilçisi ev oyunlarını neytral meydanda keçirməlidir.

Oxşar xəbərlər

"Qarabağ"ı məğlub etməyə çalışacağıq" - "Makkabi"nin baş məşqçisi

"Qarabağ"la oyuna 3 xal üçün çıxacağıq" - Pako Alkaser

"Biz heç vaxt özümüzü tək hiss etmədik" - Qurban Qurbanov

"İnsanlar azərbaycanlı olduqları üçün qürur duyurlar" - İspaniyalı futbolçu

"Türkiyədə oynayacağımız üçün sevincliyik" - Qurban Qurbanov