"Qarabağ" və İsrailin "Makkabi" (Təl-Əviv) komandaları arasında keçiriləcək UEFA Avropa Liqasının V tur matçı üçün təyinatlar açıqlanıb.

Sportfm.az xəbər verir ki, qarşılaşma İrlandiyadan olan hakimlər briqadasına həvalə edilib. Referi Robert Hennessiyə yan xətt hakimləri Allen Linç və Emmet Dinan köməklik göstərəcək. Dördüncü hakim funksiyasını isə Pol Maklaflin yerinə yetirəcək.

Hakim-inspektor Serbiyadan Deyan Filipoviç, UEFA nümayəndəsi isə Rumıniyadan Oktavian Qoqadır.

Qeyd edək ki, dekabrın 3-də Türkiyənin İstanbul şəhərindəki “Başakşəhər Fatih Terim” stadionunda keçiriləcək “Qarabağ” – “Makkabi” matçı Bakı vaxtı ilə saat 21:55-də başlayacaq. Azərbaycan klubu ölkədəki hərbi vəziyyətlə əlaqədar ev oyunlarını neytral meydanda keçirir.

Oxşar xəbərlər

“Makkabi” – “Neftçi” matçı Stavrevə həvalə olundu - Konfrans Liqası

Emreli koronavirusa yoluxdu - Avropa Liqasının matçını buraxacaq

"Qarabağ"ı məğlub etməyə çalışacağıq" - "Makkabi"nin baş məşqçisi

"Qarabağ" - "Sivasspor" matçının hakimləri açıqlandı

Final matçının hakimləri açıqlandı - Çempionlar Liqası