"Bizim üçün qalib gəlmək vacibdir. Bir qələbə minlərlə müsbət məqam gətirə bilər. Bu oyun gözümüzü aça, Azərbaycan və Kiprlə matçlarda bizi nələrin gözlədiyini göstərə bilər. Ona görə də futbolçularımdan bu görüşə ciddi yanaşmalarını istəyirəm".

Sportfm.az xəbər verir ki, bu fikirləri Monteneqro millisinin baş məşqçisi Faruk Hacibegiç Qazaxıstanla yoldaşlıq oyunu öncəsi keçirilən mətbuat konfransında deyib.

Bütün diqqətlərini UEFA Millətlər Liqasına yönəltdiklərini söyləyən 63 yaşlı mütəxəssis hazırda qrup lideri olan Lüksemburqun büdrəyəcəyinə inandığını vurğulayıb: "Hər şeydən öncə öz oyunlarımızı udmalıyıq. Bu isə asan olmayacaq. Turnir başlayanda demişdim ki, yalnız 6 qələbə bizə liderlik üçün təminat verə bilər. Nəticələr haqlı olduğumu sübut etdi. Çünki qrupda 5 qələbə kifayət etməyə bilər. Sonadək inanmalıyıq".

Qeyd edək ki, Monteneqro millisi noyabrın 11-də Podqoritsada Qazaxıstanla qarşılaşacaq. 3 gün sonra Xorvatiyanın Zapreşiç şəhərindəki “Ivan Laljak-Iviç” stadionunda Azərbaycan millisinin qonağı olacaq komanda noyabrın 17-də Kipri qəbul edəcək.

Oxşar xəbərlər

Azərbaycan Montenegro ilə üz-üzə - YENİLƏNİR

"Oyun hər iki komanda üçün çətin keçəcək" - Faruk Hacibegiç

Azərbaycan millisi Sloveniya ilə bərabərə qaldı - 0:0

Millimizin rəqibində koronavirus şoku

"Sanki dünya çempionu ilə oynayacağıq" - Faruk Hacibegiç