"Ötən mövsüm heyətlə bağlı bəzi problemlər oldu. Komandada 10 futbolçu koronavirusa yoluxdu. Təbii ki, bu, arzuolunmaz hal idi".

Sportfm.az xəbər verir ki, bunu Azərbaycan millisinin və ABŞ-ın "Finiks Rayzinq" klubunun futbolçusu Rüfət Dadaşov "Bild" nəşinə açıqlamasında Milli Futbol Liqasında (USL) 2019/2020 mövsümünü dəyərləndirərkən deyib.

29 yaşlı hücumçu bildirib ki, çətinliklərə baxmayaraq, komandası sonda liqanın qalibi olmağı bacarıb: "Finiks Rayzinq"də əla mövsüm keçirdim. Müqaviləmin müddəti başa çatdı. Səbirsizliklə sözləşmə müddətinin uzadılacağını gözləyirəm".

Qeyd edək ki, Rüfət Dadaşov geridə qalan mövsümdə 11 qol, 4 məhsuldar ötürmə ilə yadda qalıb. 

Oxşar xəbərlər

Dadaşov qol vurdu, komandası qələbəyə sevindi - 5:0

Millimizin oyunçusu rəmzi komandada - FOTO

Dadaşov oynadı, komandası yarımfinala yüksəldi - ABŞ-da

Millimizin futbolçusundan növbəti qol - ABŞ Liqası

Rüfət Dadaşovun komandası növbəti qələbəsini qazandı - ABŞ-da