Bu gün Gürcüstanın Kvemo Kartli bölgəsinin Marneuli bələdiyyəsindəki Qızılhacılı kəndində “SOCAR Energy Georgia” şirkəti tərəfindən inşa etdiriləcək idman kompleksinin təməlqoyma mərasimi keçirilib.

Sportfm.az xəbər verir ki, tədbirdə Azərbaycan Dövlət Neft Şirkətinin (SOCAR) prezidenti Rövnəq Abdullayev, Azərbaycanın Gürcüstandakı səfiri Faiq Quliyev, Kvemo Kartlinin qubernatoru Şota Rexviaşvili, Marneuli şəhərinin bələdiyyə başçısı Zaur Darğalı və digər rəsmi şəxslər iştirak ediblər.

Xeyriyyəçilik layihələr çərçivəsində inşa olunaraq Gürcüstan dövlətinə və əhaliyə təmənnasız təhvil veriləcək idman kompleksi basketbol, həndbol, voleybol, mini-futbol, müxtəlif güləş növləri üzrə yarış və məşğələlər keçirmək üçün tamaşaçı tribunasının da nəzərdə tutulduğu qapalı idman meydançasından ibarət olacaq.

Ümumi sahəsi 1 157 kvadratmetr olacaq idman kompleksinin birinci mərtəbəsində, həmçinin həkim kabineti, sanitariya qovşaqları, soyunub-geyinmə və duş otaqları, ikinci mərtəbəsində isə inzibati və anbar otaqları yerləşəcək.

Oxşar xəbərlər

Prezident Füzulidə idman kompleksinin təməlini qoydu - FOTO

Prezident Olimpiya İdman Kompleksinin açılışında iştirak etdi - FOTO

Gəncədə analoqu olmayan stadion - FOTOLAR

Tərtərdə yeni Olimpiya İdman Kompleksinin təməli qoyuldu - FOTO

AFFA prezidenti gürcüstanlı idmançıları “Neftçi” klubu ilə əməkdaşlığa dəvət etdi