"Sabah yaxşı komandaya qarşı matçımız olacaq. Oyunçularıma, komandama hər zamankından daha çox inanıram. Futbolçular, assosiasiya və hamımız eyni şey uğrunda mübarizə aparmaq istəyirik: Bu, komandanı daha yaxşı duruma gətirməkdir".

Sportfm.az xəbər verir ki, bu fikirləri Kipr yığmasının baş məşqçisi Yohan Valem UEFA Millətlər Liqasının IV turunda Azərbaycan komandasına qarşı keçirəcəkləri oyundan öncə mətbuat konfransında deyib.

48 yaşlı mütəxəssis bildirib ki, ən qısa müddətdə müsbət nəticə qazanmağa ehtiyacları var. "Sabah üçün hazır olduğumuzu düşünürəm. Bu, bizim missiyamızdır. Düzgün düşüncə tərzi ilə komandaya yeni nəsə gətirmək niyyətindəyik. Həmişə mübarizə aparırıq və müsbət düşünürük. Hər matçda inkişaf etməyə çalışacağıq".

Qeyd edək ki, oktyabrın 13-də Albaniyanın Elbasan şəhər stadionunda keçiriləcək Azərbaycan - Kipr görüşü Bakı vaxtı ilə saat 20:00-da başlayacaq.

Oxşar xəbərlər

""Qarabağ" Kipr çempionatında titullar uğrunda mübarizə apara bilər" - MÜSAHİBƏ

"Elvin Bədəlov və Bəhlul Mustafazadə hazır deyil" - Canni De Byazi

"Mənim komandam fantastik oynadı" - Yohan Valem

"Dəyişikliklərə hazırlıqlı olmalıyıq" - Canni De Byazi

"Azərbaycanla oyunda qələbə qazanmaq istəyirik" - Kiprin baş məşqçisi