Avropa Liqasının pley-off mərhələsində "Legiya" ilə qarşılaşan "Qarabağ" istirahətə buraxılmışdı.

Sportfm.az xəbər verir ki, Ağdam təmsilçisi 5 günlük fasilədən sonra bu gün hazırlıqlara start verilib. Milli komandaya dəvət alan futbolçular məşq prosesində iştirak etməyib, əvəzində isə ikinci komandanın bir neçə üzvü əsas komandanın hazırlığına qoşulub.

Qeyd edək ki, "Qarabağ" Azərbaycan Premyer Liqasının VI turunda "Qəbələ"ni qəbul edəcək.