Futbol üzrə Azərbaycan U-16 Liqasının hesabat turunda keçirilən “Kəpəz” - “Qəbələ” matçında xoşagəlməz hadisə baş verib.

Sportfm.az xəbər verir ki, Gəncədə keçirilən qarşılaşmanın final fitindən sonra qonaq komandanın futbolçuları azarkeşlər tərəfindən döyülüblər.

İnsidentə səbəb isə matç zamanı “Qəbələ” futbolçularının təhqirə məruz qalması olub.

Oyun başa çatdıqdan sonra hər iki komandanın futbolçuları arasında gərginlik yaşanıb.

Bu zaman meydana daxil olan üç azarkeş futbolçulara və məşqçilərə hücum edib. İnsident zamanı “Qəbələ”nin futbolçularından Ş.R və Ə.G ciddi xəsarət alıblar.

Daxili İşlər Nazirliyinin (DİN) Mətbuat Xidmətindən bildirilib ki, hadisə ilə bağlı araşdırma aparılır.

Qeyd edək ki, qarşılaşma Gəncə təmsilçisinin 2:0 hesablı qələbəsi ilə yekunlaşıb.

Oxşar xəbərlər

Yoldaşlıq görüşündə kütləvi dava düşdü

"Qəbələ"nin nigeriyalı futbolçuları debüt etdilər - Gəncədə

Polis futbolçulara qarşı gözyaşardıcı qazdan istifadə etdi - VİDEO

"Qəbələ"li azarkeş Ozobiçi söydü və üzünə tüpürdü - Xoşagəlməz olay

"Kəpəz" bakılıların ittihamlarına cavab verdi