Azərbaycan çempionatlarında eyni klubda ən çox oyun keçirən futbolçu müəyyənləşib.

Sportfm.az Peşəkar Futbol Liqasının rəsmi saytına istianən xəbər verir ki, bu, "Qarabağ"ın və Azərbaycan millisinin futbolçusu Maksim Medvedevdir.

31 yaşlı müdafiəçi “Qarabağ”ın heyətində 285 dəfə Premyer Liqa matçına çıxıb. Onun sabiq komanda yoldaşı Aslan Kərimov Ağdam təmsilçisində 268 görüşdə iştirak edib. İlk “üçlüy”ü “Xəzər Lənkəran”da 254 oyunda forma geyinən Rahid Əmirquliyev qapayır. Lakin Maksimdən fərqli onun hər iki izləyicisi ayrı-ayrı illərdə digər klublarda da oynamağa imkan tapıb.

Bir komandada ən çox oyun keçirən 10 futbolçunun siyahısında “Qarabağ”ın futbolçuları çoxluq təşkil edir. Ağdamlıların 6 oyunçusu bu siyahıya düşüb. “Turan”da iki, “Viləş”lə “Xəzər Lənkəran”da bir futbolçu fərqlənib.

İlk “onluq”da yeganə legioner Ansi Aqollidir. “Qarabağ”ın albaniyalı müdafiəçisinin aktivində 223 matç var.

Qeyd edək ki, ilk 10 sırada yer alanlardan yalnız Maksim Medvedev indi də eyni komandanın şərəfini qoruduğundan nəticəsini daha da artıra bilər.

Oxşar xəbərlər

Rekordçunun yubileyi - 450-ci oyununu keçirdi

Ağdam klubunun 9 futbolçusu rəmzi komandada - FOTO

Maksim Medvedev zirvəyə qalxdı

Maksim Medvedev Aslan Kərimovu keçdi

Rahid Əmirquliyev 350-ə çatdı