Azərbaycan Premyer Liqasının oyunlarının bərpasından əvvəl klubların futbolçuları və məşqçi heyəti mütləq şəkildə koronavirus testinə cəlb olunacaq. 

Sportfm.az xəbər verir ki, bu barədə qərar AFFA-nın təşəbbüsü ilə təşkil olunan Klublar Komitəsinin iclasında qəbul edilib. 

 Sonrakı dövrlərdə testin təkrar keçirilib-keçirilməməsi barədə qərarı hər bir klub fərdi qaydada çıxara bilər. Oyunlar bərpa olunduqdan sonra hər hansı futbolçu və ya məşqçinin COVID-19 testi müsbət nəticələnəcəyi təqdirdə, AFFA müvafiq dövlət strukturları ilə danışıqlardan sonra müvafiq təlimatlara uyğun hərəkət edəcək.

Qeyd edək ki, Azərbaycan Premyer Liqası iyunun 21-də bərpa olunacaq. "Qəbələ"dən başqa digər komandalar bir dəfə koronavirus testindən keçib. 

Oxşar xəbərlər

Premyer Liqada koronavirus şoku - 16 yoluxma

Çempionatın formatı dəyişdirildi - Gürcüstanda

Azərbaycan Premyer Liqası bərpa olunur – RƏSMİ

AFFA klublarla razılığa gəldi - Çempionat başlayır

Azərbaycan Premyer Liqasında yeni qaydalar - AÇIQLAMA