Peşəkar Futbol Liqasının layihəsi olan "I Divizionda ayın ən yaxşı qolu” nominasiyasında ikinci qalib mükafatlandırıldı. Sportfm.az PFL-in rəsmi saytına istinadən xəbər verir ki, jurnalistlər və azarkeşlər arasında keçirilən sorğunun nəticəsinə əsasən, "Zaqatala”nın futbolçusu Emin Mehtiyevin MOİK-in qapısından keçirdiyi top oktyabr ayının ən yaxşı qolu seçildi.

Pul mükafatını (500 AZN)  və xüsusi hədiyyəni bu gün keçirilən "Zaqatala” – "Ağsu” oyunundan öncə Peşəkar Futbol Liqasının Texniki İdman Departamentinin rəisi Zamiq Hüseynov təqdim etdi.