Tanınmış idmançı, "Rio-2016”nın bürünc medalçısı Rəsul Çunayev dizindən əməliyyat edilib. Sportfm.az xəbər verir ki, güləşçi 25 yaşında 4-cü dəfə əməliyyat keçirdiyini bildirib. O, bununla bağlı zarafat da edib: "Belə getsə əməliyyat üzrə yarışlara qatılacağam. Bəzi ağzıgöyçəklər də elə bilir ki, Rəsul kefdədir... Daha bilmirlər ki, hansı zədələrdən çıxıb mübarizə aparıram. Təki əməliyyatla düzələn problemlər olsun. Allaha şükür edirəm".