İdman jurnalistləri arasında ilk dəfə PES2020 üzrə Azərbaycan çempionatı keçirilib.

Sportfm.az xəbər verir ki, Azərbaycan İdman Jurnalistləri Federasiyası (AİJF) və Azərbaycan Kiberidman Federasiyasının (AzKİF) birgə təşkil etdiyi yarış 5 mart - Bədən Tərbiyəsi və İdman gününə həsr olunub. Yarışda ayrı-ayrı KİV-dən 38 idman jurnalisti iştirak edib. Olimpiya sistemi üzrə keçirilmiş mübarizəyə təsnifat mərhələsindən başlanılıb. Beləliklə, 1/16 final cütlərinin tərkibi müəyyənləşib. Finala isə "CBC Sport"un iki əməkdaşı Məftun Rəsulzadə və İbrahim Məmmədli vəsiqə qazanıb. Rəsulzadə gərgin keçən görüşdə 4:3 hesabı ilə qalib gələrək, Azərbaycan çempionu olub.