Fevralın 22-də MMA (qarışıq döyüş növləri) üzrə idmançımız Vüqar Kərəmov Yaponiyada birinci döyüşünü keçirib.

Sportfm.az xəbər verir ki, 28 yaşlı idmançımız Yaponiyanın Hamamatsu şəhərində keçirilən “Rizin 21” turnirində Quam təmsilçisi Kayl Aquonu məğlub edib. Görüşdə idmançımız sağ qaşından zədə alsa da, hakimlərin yekdil qərarına əsasən qalib elan edilib.

Qeyd edək ki, V.Kərəmov Rizin Qran-prisində debüt edib. O, bundan əvvəl “Bellator”da mübarizə aparıb. 2017-ci ildə Bakıda keçirilən İslam Həmrəyliyi Oyunlarının uşu-sanda yarışlarında gümüş medala layiq görülən V.Kərəmov karyerası ərzində 17 döyüş keçirib, 14-də qələbə qazanıb, 3-də isə məğlub olub. K.Aquon isə 21 döyüşün 13-nü qələbə, 8-ni məğlubiyyətlə başa vurub.

Oxşar xəbərlər

İdmançımız yaponiyalını boğma fəndi ilə məğlub etdi

Tofiq Musayev yeni rinqdə - Müqavilə bağladı

Azərbaycanlı idmançılar karantinə alındı - Yaponiyada

Tofiq Musayev rinqə qayıdır - “Rizin-28” turnirində döyüşəcək

"Rizin"də daha bir döyüşçümüz