Mərakeş yığmasının və "Nitsa”nın üzvü Yunes Belhand təhqir edildiyini açıqlayıb.

Sportfm.az xarici mətbuata istinadən xəbər verir ki, buna səbəb, radio verilişində müzakirələr aparan idman jurnalisti Daniyel Riolunun sözləri olub. Riolo Belandanın transferinin böyük yanlış olduğunu, onun futbol oynamaqdan çox, ibadət etdiyini bildirib:

"Həddindən artıq ibadət edir. Başqa bir dünyada olduğu hiss olunur. Adi futbolçuya heç bənzəmir. Sanki, başqa işlərlə məşğuldur”-deyə, jurnalist qeyd edib.  Daniyelin fikirlərinə futbolçunun və "Nitsa” klubunun reaksiyası gecikməyib. Yarımmüdafiəçi məsələ ilə bağlı bunları deyib:

"Niyə mənim futbol oynamağımı müzakirə etmirlər! Müsəlman olmağın məsələyə nə dəxli var? Bəli, mən bir müsəlmanam və ibadət edirəm. Müsəlman olmağım, terrorist olduğumu göstərməz! Mən terrorist deyiləm” – Belhand hiddətlənib.  

Məsələnin ictimailəşməsindən sonra, Riolonun çalışdığı radio "Nitsa” klubundan və Belhanddan üzr istəyib.