Ağabala Ramazanov “Zirə”dəki debüt oyununda qol hesabını açıb.

Sportfm.az xəbər verir ki, hücumçu Azərbaycan Premyer Liqasının XV turunun “Sabah”la görüşündə (2:0) bunu gerçəkləşdirib. O, 45+1-ci dəqiqədə qonaqların qapısına yol tapıb. Ağabala klub tarixinə Premyer Liqada qol vuran 41-ci oyunçu kimi düşüb. Ona qədər 40 futbolçu rəqib qapısından top keçirmişdi.

Ramazanov “Zirə”nin heyətində Premyer Liqadakı debüt matçında qol hesabını açan 4-cü futbolçudur. “Sabah”la qarşılaşmaya qədər qol sevinci yaşayan 40 oyunçudan yalnız üçü ilk qarşılaşmada fərqlənmişdi. 2015-ci ildə Viktor İqbekoyi AZAL-la ev (1:0), 2018-ci ildə Aleksandr Dedov “Qəbələ”ylə səfər (1:2), Pərdis Fərcad-Azad “Keşlə”ylə ev (2:2) görüşündə buna nail olub.

Oxşar xəbərlər

Ramazanov 40-a çatdı

Yeni transferi “Zirə”nin tarixinə düşdü - Azərbaycan Premyer Liqası

Ramazanovdan bir qol, iki yubiley

"Zirə"li Soni üçün əlamətdar oyun

Fransalı futbolçu "Zirə"nin tarixinə düşdü