31 dekabrda həmyerlimiz Tofiq Musayev növbəti döyüşünə çıxacaq. 

Sportfm.az xəbər verir ki, dünya və Avropa çempionu olan idmançımız "Saitama Super Arena"da 20-ci Rizin Kuboku çərçivəsində yarımfinal döyüşünə çıxacaq. Saytama şəhərində 71 kq çəkidə mübarizə aparacaq Musayevin rəqibi Coni Keys olacaq. Gün ərzində iki döyüş(səhər və axşam) keçirməli olacaq həmyerlimiz yarımfinalda qalib gələrsə, 4-5 saat sonra final görüşünə çıxmalıdı. Musayevin rəqibi olan amerikalı dünyada kifayət qədər tanınmış döyüşçüdür. O, öz çəki dərəcəsində top-50 idmançı arasındadır.  

Qeyd edək ki, dekabrın son günü baş tutacaq həlledici döyüşdə qələbə Tofiqə öz çəki kateqoriyasından olan  aparıcı döyüşçülərlə bir sırada dayanma imkanı verəcək. Yəni Həbib Nurməhəmmədov, Konor MakQreqor, Dastin Porye, Toni Ferguson və digərləri kimi. Final görüşündə qalib gələcəyi təqdirdə Musayev karyerasını UFC-də davam etdirə biləcək. Bu isə ona tanınmış idmançılarla döyüşmək şansı yaradacaq. 

Oxşar xəbərlər

Tofiq Musayevə qızıl kəmər qazandıran döyüş - VİDEO

Azərbaycanlı döyüşçü “Pitbull”u məğlub edərək "Rizin 20" kəmərini qazandı

Tofiq Musayev finala çıxdı - VİDEO

Həmyerlimiz Tofiq Musayevin möhtəşəm qələbəsi - VİDEO

İdmançımız Yaponiyada döyüşə çıxacaq – FOTO