Həmyerlimiz Tofiq Musayev Yaponiyanın Rizin liqasında növbəti döyüşünü qələbə ilə başa vurub.

Sportfm.az xəbər verir ki, Tofiq Musayev rəqibi UFC liqasının tanınmış idmançılarından olan Daron Krikşenki məğlub edib. Tofiq Musayev iyun ayının ikisində yaponiyanın Tokyo şəhərində baş tutan döyüşün hər üç raundunu mütləq qələbə ilə başa vurub. Qeyd edək ki, Daron Krikşenkin rekordu 21-in 11-ədir. Döyüşçü keçirdiyi iyirmi bir görüşün onundan qalib kimi ayrılmışdır. 33 yaşlı idmançı UFC liqasında bir neçə döyüş keçirmiş, daha sonra isə Rizin liqası ilə müqavilə imzalamışdır. Tofiq Musayev isə bu günə qədər keçirdiyi 14 döyüşdən sadəcə 3-ündə ringdən məğlub kimi ayrılıb. Xatırladaq ki, Tofiq Musayevin bundan əvvəlki rəqibi Asiyanın məşhur MMA döyüşçüsü Nobumitsu Tayson olmuş, Tofiq Musayev rinqdən qalib kimi ayrılmışdı. T. Musayev MMA üzrə dünya, Avropa və dəfələrlə Avrasiya çempionu olmuşdur. Dünya reytinqində 97-ci yerdə olan Tofiq Musayev bu döyüşdən sonra 68-ci pillədə qərarlaşıb.

Oxşar xəbərlər

Tofiq Musayev yeni rinqdə - Müqavilə bağladı

Tofiq Musayev rinqə qayıdır - “Rizin-28” turnirində döyüşəcək

Tofiq Musayev növbəti döyüşünə çıxacaq

Tofiq Musayev növbəti qələbəsini rəsmiləşdirdi

İdmançımız Yaponiyada döyüşə çıxacaq – FOTO