AFFA İntizam Komitəsi Azərbaycan Premyer Liqasının XII turunda baş verənlərlə bağlı qərarlarını açıqlayıb. 

Sportfm.az xəbər verir ki, qurum "Qarabağ"ın futbolçusu İsmayıl İbrahimliyə 3 oyunluq cəza verib. Buna səbəb oyunçunun "Sumqayıt"a uduzduqları (1:2) matçda aqressiv davranışa görə birbaşa qırmızı vərəqə almasıdır. Gənc yarımmüdafiəçi bu səbəbdən Ağdam təmsilçisini 2400 manat ziyana da salıb. 

Həmin görüşdə “Sumqayıt” klubunun 5 futbolçusu sarı vərəqə ilə cəzalandığı üçün klub 800 manat cərimə olunub. 

İntizam Komitəsi "Səbail"in müdafiəçisi Adil Nağıyevi isə bir oyunluq cəzalandırıb. O, "Sabah"a 1:3 hesabı ilə uduzduqları matçda qırmızı alıb və klub bunun üçün 200 manat ödəməli olacaq.

Oyun başa çatdıqdan sonra meydançaya kənar şəxslər daxil olduğu üçün meydan sahibi "Səbail" 1600 manat cərimə olunur.

"Keşlə"nin oyunçusu Sezar Meza Kolli "Zirə"yə uduzduqları (1:3) görüşdə aqressiv davranışa görə qırmızı vərəqə alıb və 3 matçlıq cəzaya məruz qalıb. Komitə bu səbəbdən "Keşlə"ni 2400 manatlıq cərimələyib.

Oxşar xəbərlər

“Sumqayıt” tərcüməçisinə görə cərimə olundu - QƏRAR

“Zaqatala” himnə görə cərimə olundu - Qərar

Cavidin cəzası açıqlandı

"Kəpəz" 2400 manat cərimə olundu

AFFA-dan Cavid Hüseynova 3 oyunluq cəza