"Telekom”un voleybolçusu Yelizaveta Səmədovanın apasport.az saytına müsahibəsi:

 

- Komandamız tam rejimdə hazırlığı davam etdirir. Artıq 2 aydı təlim-məşq toplanışındayıq. Bu müddətdə Türkiyədə turnirdə iştirak etdik. Həmçinin yoxlama matçları keçirdik, Serbiyada yerli "Vizura” ilə birgə məşqlərə qatıldıq. Yeni mövsümə tam hazırıq.  

 

- Əksər oyunçularımız ötən mövsümdən heyətimizdədi. Amma düzdü, yenilər də var. Yaxşı, dostcanlı və mehriban komanda formalaşıb. Yeni oyunçular kollektivə dərhal uyğunlaşdılar.

 

- Xeyr, qətiyyən qorxutmur. Öz işimi bacardığım qədər görəcəm.

Kapitan olmağımı məşqçimiz istəyib. Əgər o, bu məsuliyyəti mənə həvalə edibsə, deməli, bunun öhdəsindən gələcəyimi düşünür.

 

- Qarşımıza ən yüksək məqsədlər qoymuşuq. Konkret olaraq, Çempionlar Liqasında qrupdan çıxmaq niyyətindəyik. Azərbaycan çempionatında isə təbii ki, qızıl medalları qazanmağa köklənəcəyik.

 

- Uzun müddətdi ki, bu mübarizə 2 komanda arasında gedir. Bunlardan biri "Telekom”, yəni sabiq "Rabitə”, digəri isə "Azərreyl”di. Fikrimcə, bu il də əsas mübarizə bizlə "dəmiryolçular” arasında gedəcək.

 

- Dediyim kimi, məqsəd qrupdan çıxmaqdı. Bütün rəqiblərimiz yaxşı komandalardı və sonadək mübarizə aparacağıq.