AÇ-2020-nin seçmə mərhələsində keçirilən Bolqarıstan - İngiltərə oyununda yerli fanatlar irqçi şüarlar səsləndirib.

Sportfm.az xəbər verir ki, qarşılaşmanın ilk hissəsində irqçi şüarlar səsləndiyi üçün hakim oyunu iki dəfə saxlayıb.

Yerli fanatlar İngiltərə millisinin üzvləri - Tayron Minqslə Rahim Sterlinq topla olarkən meymun səsləri çıxarıb. Xorvatiyalı referi matçı saxlayan zaman Bolqarıstan millisinin kapitanı İvelin Popov tribunalara yollanıb. O, fanatlardan utandırıcı hərəkətləri etməməyi istəyib. 

Qarşılaşmada İngiltərə millisi 6:0 hesabı ilə qalib gəlib.