Bu gün Azərbaycan Premyer Liqasında V tur start götürəcək.
Sportfm.az xəbər verir ki, turun ilk oyun günündə meydana çıxacaq “Qəbələ” “Səbail”lə qarşılaşacaq.

Səfərdə oynayacaq "qırmızı-qaralar" mövsümdə 5-ci qarşılaşmasını keçirəcək. Bakıdakı “ASCO Arena” stadionunda oynanılacaq matç iki rəqib arasında 11-ci duel olacaq. 2017-ci ildə ilk dəfə üz-üzə gələn komandalar indiyədək 8 dəfə Premyer Liqa, 2 dəfə Azərbaycan kuboku çərçivəsində görüşüblər.

“Qəbələ” bu oyunlarda 6 qələbə qazanıb. 2 dəfə heç-heçə edən “qırmızı-qaralar” eyni sayda məğlubiyyət alıb. "Qəbələ"nin üstünlüyü top fərqində də əks olunub – 19:10. Baqali Dabo paytaxt təmsilçisini daha çox – 6 dəfə məyus edib. Famussa kone və Ceyms Adeniyinin hesabında 3 qol var.

Ölkə çempionatlarındakı oyunlarda da “Qəbələ” üstündür. Əvvəlki 8 matçda 4 qələbə qazanan “qırmızı-qaralar” 2 dəfə meydandan bir xalla ayrılıbsa, 2 dəfə uduzub. 14 qol vuran "Qəbələ" 8 top buraxıblar

Oxşar xəbərlər

“Qəbələ” və “Zirə” arasında 33-cü duel

"Qəbələ"nin "Səbail"lə 13-cü dueli

"Qəbələ" və "Səbail"in 11-ci dueli

Mövsümün son ev oyunu: "Neftçi" ilə 49-cu duel

"Qəbələ" "Səbail"ə qarşı - 8-ci dəfə