Bu gün Azərbaycan Premyer Liqasında V tura start veriləcək.

Sportfm.az xəbər verir ki, turun ilk oyun günündə meydana çıxacaq “Qəbələ” “Səbail”lə qarşılaşacaq.

Səfərdə oynayacaq bölgə təmsilçisi mövsümdə 5-ci qarşılaşmasını keçirəcək. Bakıdakı “ASCO Arena” stadionunda baş tutacaq matç iki rəqib arasında 11-ci duel olacaq. 2017-ci ildə ilk dəfə üz-üzə gələn komandalar indiyədək 8 dəfə Premyer Liqa, 2 dəfə Azərbaycan kuboku çərçivəsində görüşüblər. “Qəbələ” bu oyunlarda 6 qələbə qazanıb. 2 dəfə heç-heçə edən “qırmızı-qaralar” eyni sayda məğlubiyyət alıb. “Qəbələ”nin üstünlüyü top fərqində də əks olunub – 19:10. Baqali Dabo paytaxt təmsilçisini daha çox – 6 dəfə məyus edib. Famussa kone və Ceyms Adeniyinin hesabında 3 qol var.

Ölkə çempionatlarındakı oyunlarda da “Qəbələ” üstündü. Əvvəlki 8 matçda 4 qələbə qazanan “qırmızı-qaralar” 2 dəfə meydandan bir xalla ayrılıbsa, 2 dəfə uduzub. 14 qol vuran futbolçularımız 8 top buraxıblar.

Bu gün baş tutacaq matç saat 19:45-də başlayacaq.

Oxşar xəbərlər

“Qəbələ” və “Zirə” arasında 33-cü duel

“Qəbələ”nin “Kəpəz”lə 21-ci dueli - Misli Premyer Liqası

"Qəbələ"nin "Səbail"lə 13-cü dueli

Elmar Baxşıyevi 8-ci dueldə nə gözləyir?

"Qəbələ" "Səbail"ə qarşı - 8-ci dəfə