Azərbaycan milli komandası AÇ-2020-nin seçmə mərhələsində beşinci oyununu keçirib. 

Sportfm.az xəbər verir ki, yığma komanda 2018-ci il dünya çempionatının gümüş mükafatçısı Xorvatiyanı qəbul edib. "Bakcell Arena"da keçirilən qarşılaşmadan sonra təşkil olunan mətbuat konfransında yığmamızın baş məşqçisi Nikola Yurçeviç jurnalistlərin suallarını cavablandırıb. Öncə oyunla bağlı fikirlər səsləndirilib: Futbolçuların oyunundan çox razıyam. Ədalətli nəticə oldu. Mən xorvatam və buna görə qürurluyam. Amma bu gün Azərbaycan üçün ən yaxşısını etməyə çalışdım. 

- Əvvəlki oyunlarda heyəti yalnış qurduğunuzu düşünmürsünüzmü?

- Təbii ki, həmin görüşlər indi arxada qalıb və çox şey demək olar. Düşünürəm ki, indi artıq düşünmək üçün vaxt var. Biz gələcəyi düşünməliyik. Potensialı yüksək olan gənclərimiz var. 

- Matçın qəhramanı kim idi?

- Birmənalı şəkildə Emil Balayev. O brilliant idi. 

- Riçard Almeyda zədəli olmasaydı, Emini meydana buraxacaqdınızmı?

- Bu sualın nə üçün verildiyini bilirəm. Mahmudov əla oyunçudu. Biz rəqibə görə oynayırıq. Bu gün o pleymeyker rolunda idi.

Oxşar xəbərlər

Rayan Giqqz: "Daha çətin oyunlarımız olub"

Nikola Yurçeviç: "Digər komandalar bizdən güclüdürlər"

Zlatko Daliç: "Azərbaycanın qapıçısı möhtəşəm oynadı"

Nikola Yurçeviç: "Bunu növbəti oyundan sonra deyə bilərəm"

Nikola Yurçeviç: "Qalib gəlmək üçün hücum etməliyik"