AÇ-2020-nin seçmə mərhələsində iyunun 8-də, saat 20:00-da, “Bakcell Arena”da start götürən və rəqibin 1-3 hesabı ilə qalib gəldiyi Azərbaycan - Macarıstan matçından sonra yığmamızın baş məşqçisi Nikola Yurçeviç jurnalistlərin suallarını cavablandırıb. 

- Rahil Məmmədovu əlacsızlıqdan meydana buraxmışdınız, yoxsa?

- Meydanda yaxşı idik, mübarizə apardıq. Rahil bugün həyəcanlı idi. Qarşıda növbəti oyun var. 

- Yurçeviç qrupdakı digər yığmalardan xal alacağımızı həqiqətən düşünürmü?

- Nəticə bizi qane etmədi. Oyunda müsbət məqamlar yox idi. Biz növbəti oyunları düşünməliyik. 

- Ramil Şeydayevi cinahda oynatmaqla onun əl-qolunu bağlamamışdınızki?

- Biz oyundan əvvəl onunla söhbət etmişdik. Şeydayev Rusiyadada bəzən cinah hücumçusu kimi çıxış edir. Məqsədimiz hücumu gücləndirmək idi. 

- AFFA prezidenti milli komandayla görüşəndə bildirmişdi ki, Avropa çempionatının final mərhələsinə yüksəlmək ideal olardı. Bu realdırmı?

- Biz nəticə qazanmaq üçün əlimizdən gələni edirik. Bunu növbəti oyunda qazanacağımız nəticədən sonra deyə bilərəm. 

- Nəticə qazanmaq üçün Azərbaycanda futbolçu potensialı varmı?

- Heyətdə gənc oyunçularımız var. Onlar inkişaf etməlidirlər. O zaman nəticələr qazanmaq olar. 

Oxşar xəbərlər

Nikola Yurçeviç: " Bəzi dəyişikliklər olacaq"

Marko Rossi: "Əsas olan 3 xalı qazandıq"

Nikola Yurçeviç: "Qalib gəlmək üçün hücum etməliyik"

“Bizi ancaq qələbə qane edəcək” - Zaur Axundov

Müsbət nəticə qazanmaq üçün ciddi səy göstərəcəyik - Vüqar Məmməd