"Keşlə"də klubdaxili toplantı keçirilib. Sportfm.az saytına etibarlı mənbədən daxil olan məlumata görə, iclasda klubun Müşahidə Şurasının sədri Zaur Axundov, "Keşlə"nin futbol akademiyasının texniki heyəti və məşqçiləri də iştirak ediblər. Yığıncaqda futbol akademiyasının durumu ilə bağlı danışan Axundov "Keşlə"nin aşağı yaş qrupları üzrə komandalarının yeni mövsümdə qarşıya qoyulan tapşırığın öhdəsindən gəlməsi üçün klub rəhbərliyi tərəfindən hər cür şəraitin yaradıldığını qeyd etməklə yanaşı, hansısa çatışmazlığın da dərhal aradan qaldırılacağını ifadə edib. Klub rəhbəri bundan sonra "Keşlə"də çalışan məşqçilərin özəl futbol klublarında və fərdi qruplarda çalışmasını qadağan edib. Müşahidə Şurasının sədri əks təqdirdə həmin mütəxəssislərlə yolların ayrılacağını bildirib. Zaur Axundov çalışdırıcılara bütün diqqəti komandada uşaqların yetişdirilməsinə verməyi tövsiyə edib. Toplantıda məşqçilərə və texniki işçilərə söz verilərək, cavabdeh olduqları sahə ilə bağlı rəy və təkliflər dinlənilib.

Qeyd edək ki, son illər Premyer Liqa təmsilçilərinin aşağı yaş qrupları üzrə komandalarında çalışan məşqçilərin özəl klublarda və fərdi qruplarda işləməsi dəb halını alıb. 

Oxşar xəbərlər

Futbol Federasiyasının yeni prezidenti Axundov oldu - FOTO

"Hücumçuya ehtiyacımız var" - Sənan Qurbanov

Tərlan Əhmədov da aksiyaya qoşuldu - VİDEO

Zaur Axundov: "Mövqeyim heç bir halda dəyişə bilməz"

Zaur Axundov nəyə ümid bəsləyir?