Azərbaycanlı qrossmeyster Şəhriyar Məmmədyarov ABŞ-ın Sent-Luis şəhərində (Missuri ştatı) keçirilən "Grand Chess Tour" seriya mərhələsinin 10-cu turunda amerikalı Fabiano Karuana ilə qarşılaşıb.

Sportfm.az xəbər verir ki, çərşənbə günü baş tutan partiya zamanı tərəflər heç-heçəyə razılaşıb.

Digər partiyaların nəticələri:

Maqnus Karlsen (Norveç) — Uesli So (ABŞ) — 1-0;

Hikaru Nakamura (ABŞ) — Aniş Giri (Niderland) — 0,5-0,5;

Sergey Karyakin (Rusiya) — Vişvanatan Anand (Hindistan) — 0,5-0,5;

Maksim Vaşye-Laqrav (Fransa) —Yan Nepomnyaşi (Rusiya) — 1-0;

Levon Aronyan (Ermənistan) — Din Lijen (Çin) — 0,5-0,5;

Hazırda sona bir tur qalmış yarış cədvəlinə 6 xal toplamış Din Lijen başçılıq edir. Karyakin, Nepomnyaşi, Karlsen və Anand liderdən yarım xal (5,5) geri qalır. Məmmədyarov, Karuana, Vaşye-Laqravın 5, Giri, Nakamuranın 4,5, So və Aronyanın isə hərəyə 4 xalı var.

Məmmədyarov son turda lider Din Lijenlə qarşılaşacaq.

Oxşar xəbərlər

İspaniya kubokunda 1/16 finalın püşkü atıldı

Şəhriyar Məmmədyarov heç-heçə etdi

“Grand Chess Tour 2019”: Məmmədyarov Maqnus Karlsen ilə qarşılaşır

Məmmədyarov növbəti dəfə məğlub oldu

Veyk-an-Zee: Çempion müəyyənləşdi, Məmmədyarov 4-cü oldu