Bu gün AFFA İntizam Komitəsinin növbəti iclası keçirilib. Sportfm.az PFL-in rəsmi saytına istinadən verdiyi məlumata görə, tədbirdə Topaz Premyer Liqanın 8-ci turunda baş verən qayda pozuntuları ilə bağlı müvafiq qərarlar qəbul edib.

Topaz  Premyer Liqasının VIII turunun "İnter” – "Qəbələ” matçında "İnter” klubunun 4 futbolçusu sarı vərəqə ilə cəzalandığı üçün klub 800 manat cərimə olunub. 

Topaz  Premyer Liqasının VIII turunun "Zirə” – "Neftçi” matçının 47-ci dəqiqəsində "Neftçi” klubunun futbolçusu Rahil Məmmədov ikinci sarı vərəqə alaraq meydançadan kənarlaşdırıldığı üçün bir oyunluq cəzalanıb, klub 200 manat cərimə olunub.