"Qvardiolanı da gətirsən, xeyri yoxdur” - "Neftçi"nin hücumçusu » Sportfm.az - Ən son idman xəbərləri, Ən son futbol, transfer, idman xəbərləri, ekzklüziv açıqlamalar, oyun nəticələri, mübahisəli oyun epizodları

Yazar Nasib 17 oktyabr 2016 10:34 1112 nəfər baxıb

"Qvardiolanı da gətirsən, xeyri yoxdur” - "Neftçi"nin hücumçusu

"Neftçi”nin hücumçusu Denilson Pereyra "Zirə” ilə oyundan (0:2) sonra jurnalislərin suallarını cavablandırıb.

- Məğlubiyyətə səbəb nə oldu?

- Komandamız bu gün kompakt oynamadı. İlk dəqiqələrdən oyuna yaxşı köklənsək də, sonradan konsentrasiya itdi. Nəticədə də məğlubiyyətlə üzləşdik.

- Öz oyunun barədə nə söyləyə bilərsən?

- Dediyim kimi, oyuna yaxşı başladıq. Lakin sonradan bəzi oyunçular matça köklənə bilmədilər. Futbol komanda oyunudur, 11 nəfər də vuruşmalıdır. 1-2 nəfər matça köklənə bilmirsə, digərlərinin də oyunu alınmır

- Məşqçi dəyişikliyi olsa da, "Neftçi” yenə uduzur. Bəlkə probem futbolçulardadır?

- 11 nəfər meydanda yumruq kimi mübarizə aparmalıdır. Bu, baş vemirsə, lap Qvardiolanı gətir, xeyri yoxdu.

- "Neftçi”nin qapısına penalti təyin oldu, komanda yoldaşın qırmızı vərəqə aldı. Hakimlikdən razısan?

- Hakimə heç bir iradım yoxdur. O, oyunu yaxşı idarə elədi.

- Qarşıda "Neftçi” 3 çətin oyun gözləyir. "Qarabağ”, "Qəbələ” və "İnter”lə görüşlərdən nə gözləmək olar?

- Futbol səhvlər üzərində qurulub. Qələbə üçün rəqibin səhvindən yararlanmaq lazımdı. Daha güclü oynayanda, qol vurduqdan sonra qələbə qazanmaq olar. Qarşıdakı rəqiblərimiz güclü olsa da, əvvəldən nəsə demək olmaz. Bəlkə "Qarabağ” elə səhvlər buraxdı ki, biz qələbə qazandıq.

Mənbə: Futbolxeber.az