UEFA-nın bayrağı altında bu həftə keçiriləcək oyunlar sükutla başlayacaq.

Sportfm.az qurumun saytına istinadən xəbər verir ki, UEFA-nın keçmiş prezidenti Lennart Yohanssonun vəfatı ilə əlaqədər bu qərar qəbul olunub. 

Bu həftə Azərbaycanın U-21 millisi iyunun 6-da Avropa çempionatının seçmə mərhələsi çərçivəsində Lixtenşteynin müvafiq yaş qrupundan ibarət komandası ilə qarşılaşacaq.

Əsas yığma isə AÇ-2020-nin seçmə mərhələsi çərçivəsində iyunun 8-i Macarıstanı qəbul ediləcək. 

Hər iki oyun bir dəqiqəlik sükutla başlayacaq. 

89 yaşında vəfat edən isveçli funksioner 1990-2007-ci illər aralığında UEFA-nın prezidenti olub.