UEFA Ulduz səfirlərindən olan Fransa millisinin futbolçusu Rober Pires Bakıda keçiriləcək Avropa Liqasının final matçı ilə bağlı sabiq komandası – İngiltərə “Arsenal”ının azarkeşlərinə çağırış edib.

Sportfm.az xəbər verir ki, Bakıda səhər yeməyi masası arxasında əyləşən 46 yaşlı veteran yarımmüdafiəçi “Instagram” hesabı vasitəsi ilə fikirlərini çatdırıb: “Salam, “Arsenal” fanatları. İndi Bakıdayam, səhər yeməyi yeyirəm. İkinci dəfədir Azərbaycandayam. Möhtəşəm final üçün burada hər şey hazırdır. Sizi burada gözləyirəm”.

Qeyd edək ki, “Arsenal” mayın 29-da Bakı Olimpiya Stadionunda İngiltərənin digər təmsilçisi “Çelsi” ilə qarşılaşacaq. 

Pires 2000 - 2006-cı illərdə çıxış etdiyi "Arsenal"ın heyətində 2 dəfə İngiltərə çempionu (2001/2002, 2003/2004) və Federasiya Kubokunun qalibi (2002/2003, 2004/2005), eləcə də Çempionlar Liqasının finalçısı (2005/2006) olub. Fransa millisinin heyətində isə o, dünya (1998) və Avropa çempionu (2000), Konfederasiyalar Kubokunun 2 qat qalibi (2001, 2003) adını qazanıb.

Oxşar xəbərlər

Dünyanın ən yaxşı oyunçuları - SİYAHI

"Bakıda möhtəşəm final oyununu qaçırmayın" - Luiş Fiqu

Kuboku kim qazanacaq?

25-ci kuboku kim qazanacaq?

Rober Pires İlham Əliyevə Avropa Liqasının rəsmi topunu təqdim etdi - FOTOLAR