Ölkəmizin Xorvatiyadakı səfiri Fəxrəddin Qurbanov bu ölkənin Split şəhərində keçirilən "Dalmatinko Cup" turnirində iştirak edən "Sabah"ın U-12 komandasını ziyarət edib. 

Sportfm.az xəbər verir ki, yarışın qrup mərhələsini birinci pillədə başa vuran Samir Əbdürəhmanovun yetirmələri 1/4 finalda Monteneqronun "Brejnitse" klubuna oyunsonrası penaltilər seriyasında uduzaraq mübarizəni dayandırıb. 

"Sabah" qrupda "Primorats-2"-yə (1:0), “Hayduk”a (1:0) və “İmotski”yə (2:0) qalib gəlmiş, "Qurnik"lə heç-heçə (0:0) etmişdi.