Beynəlxalq Olimpiya Komitəsi (IOC) kommersiya hüquqlarının qorunması üçün Avropa Olimpiya Komitələrinə (EOC) qədim olimpiada məşəlinin yandırılması elementlərindən istifadəni qadağan edib.

Sportfm.az TASS-a istinadən xəbər verir ki, bu barədə "Minsk 2019" II Avropa Oyunlarının Əməliyyat Komitəsinin rəhbəri Georgi Katulin bildirib.  

"Avropa Oyunlarının məşəlinin yandırılma mərasiminin ssenarisi EOC rəsmiləri tərəfindən uzun müddət müzakirə olunub. Çünki kommersiya hüquqlarının müdafiəsinə arxalanaraq IOC olimpiadada olduğu kimi məşəlin Yunanıstanda yandırılmasını qadağan edib. Bakıdakı ilk Avropa Oyunlarında məşəlin yandırılmasında fərqli tədbirdən istifadə olunub. O yarışın təşkilatçıları təbii fenomendən - torpaqdan çıxan alovdan istifadə etdilər, ancaq belə bir prosedur bütün Avropa üçün universal ola bilməz. EOC-un qərargahında bütün Avropa Oyunları üçün simvol tərtib oluna bilər", - deyə G.Katulin vurğulayıb. 

Qeyd edək ki, "Minsk 2019” II Avropa Oyunları 21 - 30 iyunda keçiriləcək. Yarışın məşəli bu gün İtaliyanın paytaxtı Romada yandırılacaq. 2015-ci il 12 - 28 iyunda Bakıda təşkil olunmuş I Avropa Oyunlarının məşəli isə Bakının Suraxanı rayonundakı "Atəşgah" məbədində yandırılıb. 

Oxşar xəbərlər

Olimpiya məşəli səssiz şəkildə Yaponiyaya gətirildi - FOTO

Olimpiya məşəlinin estafeti yarımçıq qaldı

Olimpiadanın məşəli azarkeşsiz alovlandırılacaq

Avropa Oyunlarının “Sülh məşəli” estafeti start götürdü - FOTO

Pxençan Qış Olimpiya Oyunlarının məşəli Seula çatıb