Avropa çempionları "Cüdo TV”nin qonağı oldular. Sportfm.az xəbər verir ki, Azərbaycan Cüdo Federasiyasının rəsmi internet televiziyası "Cüdo TV" fəaliyyətə başlayıb. "Cüdo TV"də Azərbaycan cüdo aləmində baş verən ən son xəbərlər, daxili və beynəlxalq yarışlardan canlı yayımlar, təlim-məşq toplanışlarından reportajlar sizlərə təqdim olunacaq. Həmçinin hər həftə ölkəmizin tanınmış cüdoçularının iştirakı ilə həftəlik proqram efirə veriləcək. "Cüdo Tv"-nin ilk qonaqları isə İspaniyanın Malaqa şəhərində gənclər arasında Avropa çempionu olan Hidayət Heydərov və Natiq Qurbanlı olub.