İranın Kirmanşah şəhərində sərbəst güləş üzrə “Təxti kuboku” turniri davam edir.

Sportfm.az xəbər verir ki, ənənəvi yarışda 10 ölkədən - İran, Azərbaycan, Türkiyə, Rusiya, Ermənistan, Macarıstan, Hollandiya, Belarus, Qırğızıstan və Gürcüstandan olan pəhləvanlar mübarizə aparırlar.

İki güləşçimiz turnirin bürünc medalını qazanıb. Belə ki, üçüncü yer uğrunda görüşdə Mircəlal Həsənzadə (61 kq) və Olimpiya çempionumuz Şərif Şərifov (92 kq) rəqiblərini məğlub ediblər.

Qeyd edək ki, baş məşqçi Saypulla Absaidov, böyük məşqçi Zəlimxan Hüseynov və məşqçi Arif Abdullayevin rəhbərliyi altında mübarizə aparan millimizin 4 üzvü - Əhmədnəbi Qvarzatilov (61 kq), Hacımurad Hacıyev (74 kq), Cəbrayıl Həsənov (79 kq) və Nurməhəmməd Hacıyev (97 kq) qızıl medal uğrunda görüşə çıxacaqlar. Ə.Qvarzatilov qızıl medal uğrunda Uluqbəy Yoldaşbəyov (Qırğızıstan), H.Hacıyev Rza Əfzəli (İran), C.Həsənov Bəhmən Teymuri (İran), N.Hacıyev isə Əli Rzayi Qudarzi (İran) ilə qarşılaşacaq.

Oxşar xəbərlər

Şərif Şərifov Avropa Çempionatında qızıl medal qazandı

Yığmamız İranda 2-ci oldu

Dörd güləşçimiz “Təxti kuboku”nun finalına yüksəldi

Güləşçilərimiz Çeçenistanda bürünc medal qazandı - FOTO

Güləşçilərimizdən uğurlu nəticə - 4 medal