Bu gün qadın voleybolçular arasında Avropa çempionatının final mərhələsinin püşkü atılıb.

Sportfm.az xəbər verir ki, Türkiyənin İstanbul şəhərində keçirilmiş mərasimdə Azərbaycan millisinin də rəqibləri bəlli olub. Püşkə əsasən, yığma Macarıstan, Hollandiya, Xorvatiya, Rumıniya və Estoniya kollektivləri ilə birgə C qrupunda yer alıb.

Bu qrupun oyunları Macarıstanın paytaxtı Budapeştdə keçiriləcək.

A qrupu (Ankara): Türkiyə, Serbiya, Bolqarıstan, Fransa, Finlandiya, Yunanıstan

B qrupu (Lodz): Polşa, İtaliya, Belçika, Ukrayna, Portuqaliya, Sloveniya

C qrupu (Budapeşt): Macarıstan, Hollandiya, Xorvatiya, Azərbaycan, Rumıniya, Estoniya

D qrupu (Bratislava): Slovakiya, Rusiya, Almaniya, Belarus, İspaniya, İsveçrə

Qeyd edək ki, Avropa çempionatının oyunları 23 avqust – 8 sentyabrda Türkiyə (Ankara), Polşa (Lodz), Macarıstan (Budapeşt) və Slovakiyada (Bratislava) keçiriləcək. Final və 3-cü yer uğrunda oyun Türkiyənin paytaxtında gerçəkləşəcək. Reqlamentə əsasən, qrupda ilk 4 yeri tutacaq komandalar pley-off mərhələsinə vəsiqə qazanacaqlar.

Oxşar xəbərlər

Millimizin rəqibləri müəyyənləşdi - DÇ-2022

Millimiz Avropa çempionatında mübarizəyə başlayır

AÇ-2020: Millimiz üçün tanış rəqiblər

Azərbaycan İsveçlə eyni qrupda

Euro-2017: Polşa qalib gəldi, Türkiyə uduzdu - Nəticələr