"Şalke-04” klubunun kamerunlu futbolçusu Şupo-Motinq "Bavariya” ilə matçdan(0-2) sonra qonaqların qüdrətli hücum xəttindən danışıb. Sportfm.az saytı xarici mətbuata istinadən xəbər verir ki, forvard yaxşı oynamaqlarına baxmayaraq, məğlub olduqlarını bildirib: "Biz yaxşı oyun nümayiş etdirdik, ancaq münhenlilər bizdən daha üstün idi. "Bavariya”nın qalib gəlməsi üçün çoxlu qol epizodu yaratmağına ehtiyac yoxdur. Onların hücum xəttində yer alan futbolçular ələ düşən imkanları boşa vermir”,-deyə Motinq vurğulayıb.  

Qeyd edək ki, bu görüşdə "Şalke-04”-ün heyətində ukraynalı Konoplyanka ilə yanaşı, bir neçə futbolçu debüt edib.