Azərbaycan millisinin futbolçusu Rüfət Dadaşov Almaniyanın III liqasında cari mövsümün ən yaxşı transferlərinin “onluğ”una düşüb. 

Sportfm.az xəbər verir ki, bu, “liga3-online” portalının apardığı araşdırma nəticəsində müəyyənləşib. 

Ötən yay Regional Liqanın Şimal-Şərq zonasında çıxış edən Berlin “Dinamo”sundan “Proyssen”ə keçən Dadaşov yeni komandasında özünü doğruldub. 

Cari çempionatda 17 oyuna 7 qol vuran 28 yaşlı hücumçu mövsümün 7-ci ən yaxşı transferi kimi dəyərləndirilib. 

Rüfət Dadaşov ötən mövsüm 26 qolla Regional Liqanın bombardiri olub.