Karate üzrə yeniyetmələrdən ibarət Azərbaycan millisi Xorvatiyanın Samobor şəhərində keçirilən 28-ci Qran-Pri turnirində uğurla çıxış edib.

Sportfm.az xəbər verir ki, komandanın üzvləri Hüseyn Məmmədli (57 kq) bütün rəqiblərinə qalib gələrək qızıl medal qazanıb. Fidan Dadaşova (47 kq) isə bürünc medala layiq görülüb.

Yanvarın 11-dən 13-dək keçirilən ənənəvi yarışda yeniyetmə və gənclərdən ibarət seçmə komandamızın 22 üzvü iştirak edir. Qran-Priyə 23 ölkədən 209 klubun tərkibində 1621 karateçi qatılıb.

Qeyd edək ki, Xorvatiya səfəri karateçilərimiz üçün fevralın 8-dən 10-dək Danimarkanın Aalborq şəhərində keçiriləcək Avropa çempionatına hazırlıq xarakteri daşıyır.

Oxşar xəbərlər

Karateçilərimiz 8 medal qazandı - Dünya Kuboku

Gənc karateçilərimiz Xorvatiyada 10 medal qazandı - FOTO

Karateçilərimiz Macarıstandan 8 medalla döndü

Karateçilərimiz Qran Pri turnirini 10 medalla başa vurdu - FOTO

Karateçilərimiz Xorvatiyada üç medal qazandılar